کورونا کے خوف سے آئی آر ایس افسرکی خود کشی

آئی آر ایس افسر کی کار سے ایک سوسائڈ نوٹ برآمد ہوا ہے جس میں انہوں نے تحریر کیا ہے کہ 'انہیں خوف ہے کہ وہ اپنے اہل خانہ میں کورونا وائرس پھیلا سکتے ہیں، اس لیے وہ نہیں چاہتے کہ ان کی وجہ سے کسی کو تکلیف پہنچے۔'

قومی دارالحکومت دہلی کے دوارکا میں ایک انڈین ریوینیو سروس (آئی آر ایس) افسر نے خود کشی کرلی کیونکہ انہیں خدشہ تھا کہ ان کی وجہ سے ان کا کنبہ کورونا انفیکشن کی زد میں آجائے گا۔

دراصل آئی آر ایس افسر کی کار سے ایک سوسائڈ نوٹ برآمد کیا گیا ہے۔ جس میں انہوں نے لکھا ہے کہ 'انہیں ڈر ہے کہ وہ اپنے اہل خانہ میں کورونا وائرس پھیلا سکتے ہیں اور وہ نہیں چاہتے کہ ان کی وجہ سے کسی کو تکلیف پہنچے۔'

دوارکا سب ڈویژن کے اے سی پی راجندر سنگھ نے اس معاملے کی تصدیق کی ہے۔

واضح رہے کہ 'آئی آر ایس افسر آر کے پورم میں ایڈیشنل سی آئی ٹی کے عہدے پر تعینات تھے اور دوارکا میں واقع سمتی کنج اپارٹمنٹ میں رہتے تھے۔'

فی الحال پولیس معاملے کی تفتیش کر رہی ہے۔