پرنکا گاندھی واڈرا نے ٹویٹ کیا' بھارتی ریلوے ملک کی جیون ریکھا یعنی لائف لائن ہے جسے بی جے پی حکومت نے بدترین حالت میں لا کر کھڑا کر دیا ہے'۔
انہوں نے الزام عائد کیا کہ اس حکومت میں پبلک سیکٹر کی کمپنیوں کی نجکاری کی مہارت ہے اور اس مہارت کے تحت اب ریلوے کو بھی فروخت کرنے کا منصوبہ ہے۔
انہوں نے کہا کہ 'اب کچھ دنوں بعد باقی سرکاری کمپنیوں کی طرح بی جے پی حکومت ریلوے کو بھی فروخت کرناشروع کر دے گی'
اس کے ساتھ ہی انہوں نے کمپٹرولر اینڈ آڈیٹر جنرل کی پارلیمنٹ میں پیر کو پیش اس رپورٹ سے متعلق خبر بھی پوسٹ کی ہے جس میں کہا گیا ہے کہ گذشتہ ایک دہائی میں ریلوے بدترین حالات میں پہنچ گیا ہے۔