'بھارت پرامن طریقہ سے سرحدی تنازعہ کو حل کرنا چاہتا ہے'

29/30 اگست کی دیر شب کو بھارتی اور چینی افواج کے مابین ہونے والی جھڑپ سے متعلق بھارتی وزارت خارجہ نے کہا کہ بھارت سرحدی تنازعہ کو امن کے ساتھ حل کرنا چاہتا ہے لیکن چینی فوج ایکشن لے رہی ہے۔

بھارت اور چین کی افواج کے مابین سرحد پر جاری تنازع سے متعلق وزارت خارجہ نے کہا ہے کہ گذشتہ تین ماہ سے سفارتی اور فوجی ذرائع کو بروئے کار لاتے ہوئے سرحد پر جاری کشیدہ صورتحال کو حل کرنے کی کوشش کی جا رہی ہے۔

وزارت خارجہ

وزارت خارجہ نے کہا کہ چینی فریق نے باہمی رضامندی کی خلاف ورزی کی اور پینگونگ جھیل کے جنوبی کنارے کے علاقے میں جمود کو تبدیل کرنے کی کوشش میں 29/30 اگست کی دیر شب اشتعال انگیز فوجی کاروائی کرنے کی کوششش کی۔

جیسا کہ پیر کو بھارتی فوج کے بیان کے مطابق بھارتی فریق نے ان اشتعال انگیز کارروائیوں کا جواب دیا اور اپنے مفادات کے تحفظ اور علاقائی سالمیت کے تحفظ کے لئے ایل اے سی پر مناسب دفاعی اقدامات اٹھائے۔

وزارت نے بتایا کہ 31 اگست کو دونوں اطراف کے کمانڈرز نے اس ڈسکلیشن کو کم کرنے کے لئے تبادلہ خیال کیا لیکن چینی افواج نے ایک بار پھر اشتعال انگیز کارروائی کی۔

تاہم بروقت دفاعی کارروائی کی وجہ سے بھارتی فریق جمود کو تبدیل کرنے کی ان کوششوں کو روکنے میں کامیاب رہا۔

وزارت نے مزید بتایا بھارتی فریق پُرعزم ہے کہ مغربی خطے میں لائن آف ایکچوول کنٹرول (ایل اے سی) کے تمام متنازع امور کو پُر امن مذاکرات کے ذریعے حل کرنے کی کوششیں کی جائیں گی۔