روہنگیا معاملہ: چار ہفتے کے بعد سماعت

سپریم کورٹ روہنگيا افراد کے ساتھ ساتھ تمام غیر قانونی تارکین وطن کو واپس بھیجنے والی درخواست پر چار ہفتے بعد سماعت کرے گا۔

چیف جسٹس ایس اے بوبڈے کی صدارت والی تین رکنی بینچ نے بھارتیہ جنتا پارٹی کے لیڈر اشونی اپادھیائے کی درخواست کی سماعت کے لیے منظور کرلیا۔ عدالت نے کہا کہ وہ اس معاملہ پر چار ہفتے بعد سماعت کرے گی۔
درخواست گزار اشونی اپادھیائے نے کیس کا خصوصی ذکر کیا اور درخواست پر جلد سماعت کرنے کی درخواست کی تاہم عدالت نے فوری سماعت سے صاف انکار کر دیا۔

اپادھیائے نے دلیل دی کہ روہنگیا اور بنگلہ دیشی شہری بھارتیوں کی روزی روٹی چھین رہے ہیں۔جسٹس بوبڈے نے کہا کہ اس مفاد عامہ کی عرضی کو چار ہفتہ بعد سماعت کے لیے درج کیا جائے۔
بینچ میں جسٹس سنجیو کھنہ اور جسٹس سوريہ كانت بھی شامل ہں۔