معذور افراد کو مرکزی حکومت نے دھوکہ دیا ہے؟

دارالحکومت دہلی کے منڈی ہاوس علاقے کو چکا جام لگانے والے معذور افراد نہ صرف اپنے گھر سے دور ہیں، بلکہ ایک اجنبی شہر کی سنسان سڑکوں پر کھلے آسمان کے نیچے احتجاجی مظاہرہ کر رہے ہیں۔

ملک بھر سے اپنے حقوق کی جنگ لڑنے آئے معذور افراد کا کوئی پرسان حال نہیں ہے۔

جو لوگ پہلے ہی جسم میں معذوری کے سبب زندگی گزارنے کی جدوجہد کر رہے وہ لوگ دہلی کی سرد راتوں میں احتجاجاً رات گزارنے پر مجبور ہیں۔

گزشتہ پانچ روز سے چل رہے احتجاجی مظاہرہ پردرمیان کا بھی کوئی راستہ نکل کر نظر نہیں آرہا۔ لیکن یہ سرد ہوائیں بھی ان معذور افراد کو اپنے ارادوں سے نہیں ہٹا پائی ہیں۔

ان لوگوں کا کہنا ہے کہ مودی حکومت کی جانب سے معذور لوگوں کے ساتھ نہ صرف کھلواڑ کیا گیا ہے، بلکہ یہ ایک بہت بڑا اسکیم ہے اس کی مکمل اور شفاف تفتیش کی جانی چاہیے تاکہ اس اسکیم کا سچ سامنے آ سکے۔