مرکزی حکومت کے ہاتھوں اپنے آپ کو ٹھگا محسوس کرنے والے یہ معذور لوگ اپنے حق کی آواز بلند کرنے ملک کے مختلف علاقوں سے منڈی ہاؤس میں جمع ہوئے ہیں۔
معذور افراد کا احتجاج، دیکھیں ویڈیو مرکزی وزیر پیوش گوئل پر ریلوے کی ملازمت میں دھاندلی کا الزام لگانے والے جسم سے معذور مظاہرین کا کہنا ہے کہ وہ اپنا حق مانگنے کے لیے یہاں آئے ہیں۔
دراصل یہ احتجاجی مظاہرہ تقریباً سات ماہ سے مسلسل جاری ہے، لیکن اس کے باوجود مرکزی حکومت کے کان پر جوں تک نہیں رینگی۔
تاہم اب ملک بھر سے آئے تقریباً 350 معذور افراد بھوک ہڑتال اور احتجاجی مظاہرے کر رہے ہیں۔
مظاہرین نے صدر جمہوریہ کے پاس موت کی عرضی داخل کی ہے، اگر تین دسمبر سے قبل ان کے مطالبات پورے نہیں ہوتے ہیں تو وہ اجتماعی خودکشی کرلیں گے جس کے لیے انتظامیہ ذمہ دار ہوگا۔
قابل ذکر ہے ریلوے کے لیے کچھ ماہ قبل ملازمین کی بھرتی کے لیے امتحان کرائے گئے تھے، لیکن بعد میں اسے ختم کر دیا گیا۔ اس دوران جو اس امتحان میں کامیاب ہو گئے تھے وہ اب اپنا حق مانگنے منڈی ہاوس آئے ہیں۔
