آر ایم اے ایل میں فی الحال چھ افراد کو نگرانی میں رکھاگیا ہے جن میں سے پانچ نئے مریض ہیں جبکہ ایک کی رپورٹ کا فی الحال انتظار ہے۔
داخل کرائے گئے مریضوں میں سے دو حال ہی میں چین کے سفر پر گئے تھےجبکہ دیگر تین کئی برسوں سے چین میں رہ رہے تھے اور اسی مہینے واپس لوٹے تھے۔ مریضوں میں ایک خاتون ہے اور باقی چار مرد ہیں۔
اسپتال انتظامیہ نے بتایا کہ جانچ کے لیے سبھی مریضوں کے نمونے بھیج دیے گئے ہیں اور ان کی رپورٹ کا انتظار کیا جا رہا ہے۔
اس سے پہلے 27جنوری کو تین مریضوں کو کورونا وائرس سے شبہ کی وجہ سے آر ایم ایل میں داخل کرایاگیاتھا جن میں سے کوئی اس وائرس سے متاثر نہیں پایا گیا ہے۔
کورونا وائرس کے خطرے کے پیش نظر حکومت نے 15جنوری کے بعد چین سے آئے ہر شخص کی صحت کی جانچ کا فیصلہ کیا ہے اور چین کے سفر سے آئے لوگوں کو 14دن تک اپنےگھر میں ہی رہنے کے لیے کہا ہے۔