دہلی: مسلم طلبأ کی جانب سے ششی تھرور کی مخالفت

کلمہ طیبہ پر کانگریس رہنما ششی تھرور کے متنازعہ بیان کے خلاف جے این یو کے چند مسلم طلبأ نے پلے کارڈ لے کر اس وقت مخالفت کی جب ششی تھرور خطاب کے لیے جے این یو پہنچنے والے تھے۔

واضح رہے کہ این ایس یو آئی کے ذریعہ جے این یو تشدد معاملے پر احتجاج کررہے طلبا کی حمایت کے لیے سشی تھرور کو بلایا گیا ہے۔

اس تعلق سے ایس آئی او سے وابستہ آفرین فاطمہ نے کہا کہ سشی تھرور اسلامو فوبیا کے شکار ہیں۔

جے این یو میں مسلم طلبہ کی تنظیم ایم ایس جی نے اپنے آپ کو اس مظاہرہ سے یہ کہتے ہوئے دور رکھا کہ مخالفت کی آزادی سب کو ہے مگر وقت اور موقع مناسب نہیں۔

فی الحال تھرور دہلی میں ہیں اور ان جگہوں پر خطاب کررہے ہیں جہاں شہریت ترمیمی قانون کے خلاف احتجاج جاری ہے۔