دہلی وقف بورڈ کے چیئرمین کا انتخاب زیر التواء

جب انتخابات کا اعلان کر دیا جاتا ہے اس کے بعد اسے التوا میں ڈالنا قانونی طور پر غلط ہے۔ یہ کہنا ہے دہلی وقف بورڈ کے رکن حمال اختر کا۔

دہلی وقف بورڈ کے چیئرمین کا عہدہ گذشتہ اسمبلی انتخابات کے بعد سے خالی ہے، امید کی جا رہی تھی کہ انتخابات کے فوراً بعد دہلی وقف بورڈ کمیٹی کے لیے ایم ایل اے زمرے سے منتخب امیدواروں کا انتخاب کر دیا جائے گا، لیکن اسمبلی انتخابات کو 6 ماہ گزر گئے ہیں اس کے باوجود ابھی تک دہلی وقف بورڈ کا چیئرمین مقرر نہیں کیا گیا۔

تاہم گذشتہ ماہ ریونیو دپارٹمنٹ کی جانب سے ایم ایل اے زمرے کے انتخابات کا اعلان کیا گیا تھا اور پرچہ نامزدگی بھی داخل ہو چکی تھی، لیکن اس کے بعد بھی منتخب امیدوار کا اعلان نہیں کیا گیا۔

حالانکہ اس التواء کے پیچھے ریٹرننگ آفیسر دیپک ارجن نے اسکروٹنی کا عمل مکمل نہیں کیا جانا بتایا تھا، جبکہ اس کی تاریخ 19 اگست تھی جسے وقت پر مکمل نہیں کیا گیا۔

اسی سے متعلق ای ٹی وی بھارت کے نمائندے نے دہلی وقف بورڈ کے ممبر اور دہلی بار کونسل کے رکن حمال اختر سے بات کی جنہوں نے بتایا کہ، 'جب انتخابات کا اعلان کر دیا جاتا ہے، اس کے بعد اسے التوا میں ڈالنا قانونی طور پر غلط ہے۔'

انہوں نے مزید بتایا کہ، 'جب ایم ایل اے زمرے سے اوکھلا کے رکن اسمبلی مانت اللہ خان نے ہی پرچہ نامزدگی داخل کیا تھا، جس کا فوری طور پر نتائج کا اعلان کیا جانا تھا لیکن اس میں دیری کی گئی۔'