آج دہلی یونیورسٹی اسٹوڈنٹ یونین کے ساتھ ساتھ کالج یونین کے امیدواروں نے بھی زور آزمائی کی تھی جس میں ذاکر حسین دہلی کالج میں صدر کے طور پر ساہل ناگر نے دیو رانا کو محض 24 ووٹوں سے شکست دی۔
ساہل ناگر کو 559 جبکہ دیو رانا کو 534 ووٹ ملے۔ وہیں نائب صدر کے طور پر راہل کمار سولنکی نے پرتھوی کول کو 359 ووٹوں سے ہرایا انہیں کل 942 ووٹ ملے۔
سکریٹری کے طور پر چنچل نے 627 ووٹ حاصل کرکے راہل ترپاٹھی کو 131 ووٹوں سے ہرایا جبکہ جنرل سکریٹری کے عہدے پر ذاکر حسین نے 783 ووٹوں کے ساتھ کامیابی حاصل کی انہوں نے اپنے حریف کو 263 ووٹوں سے ہرایا۔
اس کے علاوہ عمران اور محمد امان نے سینٹرل کونسلر کے عہدے پر اپنا قبضہ جمایا۔
اس دفعہ ذاکر حسین دہلی کالج کی یونین میں کسی بھی پارٹی کا دبدبہ نظر نہیں آیا۔ صدر کے عہدے پر آزاد امیدوار نے میدان مارا جبکہ نائب صدر کے عہدے پر این ایس یو آئی نے قبضہ کیا۔ وہیں سکریٹری کے عہدے پر کامیاب طلبا آزاد امیدوار ہیں اور جنرل سکریٹری کے عہدے پر ای بی وی پی نے جیت درج کی۔
