دہلی: لاک ڈاؤن کے دوران ایک بہار کا کنبہ فاقہ کشی کا شکار

21 دنوں کے لاک ڈاؤن کے دوران کچھ لوگوں کو کھانے پینے میں سخت پریشانیوں کا سامنا کرنا پڑ رہا ہے۔ تو وہیں بہار کا ایک کنبہ کئی دنوں سے دہلی لاڈو سرائے میں واقع گندے نالے کے پاس فاقہ کشی پر مجبور ہے۔

ملک میں لاک ڈاؤن میں اضافے کی بات کی جارہی ہے اور کورونا کے خطرے کے پیش نظر حکومتیں سماجی دوری کی بھی اپیل کررہی ہیں۔ 21 دن کے اس لاک ڈاؤن کے دوران کچھ لوگوں کو کھانے کو لیکر کئی پریشانیوں کا سامنا کرنا پڑرہا ہے۔ ایسا ہی کچھ دہلی کے لاڈو سرائے میں بھی دیکھنے کو ملا ہے۔

دہلی حکومت 10 لاکھ لوگوں کو کھانا تقسیم کرنے کا دعوی کر رہی ہے۔ تو وہیں لاڈو سرائے کے قریب گندے نالے میں ایک بہار کا مہاجر خاندان فاقہ کشی کے شکار ہو رہے ہیں۔ ان 11 اضلاع میں تعمیر کیے گئے 568 مراکز کا پتہ ان کنبہ کو بھی ہونا چائیے۔ جو اپنی بوڑھی والدہ کے ساتھ گندے نالے کے قریب کئی دن سے بھوکا بیٹھا ہے۔

جب ای ٹی وی بھارت کی ٹیم لاڈو سرائے پہنچی تو معلوم ہوا کہ بہار سے تعلق رکھنے والے 2 بھائی اپنی بوڑھی والدہ کے ساتھ گزشتہ کئی دنوں سے نالے کے پاس رہنے پر مجبور ہیں۔ ان کا کہنا ہے کہ لاک ڈاؤن کی وجہ سے وہ اپنے گھر واپس نہیں جا سکے۔

ان کے پاس جینے کا کوئی ذریعہ نہیں ہے ، اسی وجہ سے وہ یہاں طویل عرصے تک رہنے پر مجبور ہیں۔ انہیں دو وقت سے کھانا نہیں مل رہا ہے۔