'بٹ یو ڈونٹ لائک اے مسلم'

نئی دہلی کی معروف مصنفہ رخشندہ جلیل کی کتاب'  بٹ یو ڈونٹ لائک اے مسلم' نامی کتاب کا اجرا آج نئی دہلی میں عمل میں آیا۔

کتاب کی مصنفہ رخشندہ جلیل نے ای ٹی بھارت کے نمائندے سے بات کرتے ہوئے کہا کہ مسلمانوں کے تعلق سے تنگ نظری پر مشتمل بہت ساری روایتیں مشہور ہیں۔

جیسے یہ کہ مسلمان ہے، اس لیے وہ روزانہ قورمہ اور بریانی روزانہ کھاتا ہو گا وغیرہ۔

اس کے علاوہ بھی ایسی چیزیں منسلک کردی جاتی ہیں جس کا حقیقت سے کوئی تعلق نہیں ہوتا۔

رخشندہ جلیل نے اپنی کتاب کے اجرا کے موقع پر بتایا کہ انہوں نے اپنی اس کتاب میں انہی مفروضوں کو عیاں کرکے اس اصل حقیقت منظر عام پر لانے کی کوشش کی ہے۔

رخشندہ جلیل نے مزید کہا کہ یہ کتاب انگریزی میں ہے اور مختلف شعبہ حیات میں مسلمانوں کے تعلق سے مشہور تنگ نظری پر مبنی روایتوں کو ظاہر کرتی ہے، وہیں ساتھ ساتھ خود مسلمانوں میں جو غلط فہمیاں عام ہیں اس پر بھی روشنی ڈالی گئی ہے۔