ڈی ایم آر سی نے چوتھے مرحلے کے زیرزمین سیکشن کی تعمیر کا کام شروع کیا

دہلی میٹرو ریل کارپوریشن (ڈی ایم آر سی) نے جنکپوری ویسٹ- آر کے آشرم مارگ روٹ پر چوتھے مرحلے کے زیر زمین سیکشن کی تعمیر کا کام جمعہ کو شروع کیا۔

اس کام میں ڈی وال کی تعمیر اور 28.92 کلومیٹر لمبے گلیارے کے سرنگ روٹ کی کاسٹنگ کا باضابطہ آغاز کیا گیا ہے۔

ڈی ایم آر سی کے منیجنگ ڈائریکٹر منگو سنگھ اور دیگر اعلی عہدیداروں نے ویڈیو کانفرنسنگ کے ذریعے تعمیراتی کاموں کی شروعات کو دیکھا۔

جنکپوری ویسٹ- آر کے آشرم مارگ میٹرو گلیارے میں کل 7.74 کلومیٹر طویل زیر زمین ٹری ہے۔

ڈی ایم آر سی کی طرف سے جاری کردہ ایک اشتہار میں بتایا گیا ہے کہ کرشنا پارک ایکسٹینشن میٹرو اسٹیشن پر ڈی وال کی تعمیر کے لیے کام شروع کیا گیا۔

جنکپوری ویسٹ۔ آر کے آشرم مارگ گلیارہ 28.92 کلومیٹر طویل ہے اور یہ میجنٹا لائن کی توسیع ہے اور اس میں 22 اسٹیشن ہوں گے۔ اس مخصوص سیکشن پر تعمیراتی کام پچھلے سال دسمبر میں شروع کیا گیا تھا۔