جامعہ میں پولیس کی پٹائی سے زخمی ہونے والے طلبا کو معاوضہ دیا جائے

دہلی ہائی کورٹ میں ایک عرضی دائر کی گئی ہے۔ عرضی میں ایک طالب علم کے شدید طور پر زخمی ہونے پر 2 کروڑ روپے بطور معاوضہ دینے کا مطالبہ کیا گیا ہے۔

یہ عرضی نبیلہ حسن نے دائر کی ہے۔

عرضی میں کہا گیا ہے کہ طالب علم کے دونوں پیر خراب ہوگئے ہیں، اسے شدید چوٹیں آئی ہیں جس کے علاج میں ڈھائی لاکھ روپے پہلے ہی خرچ ہوچکے ہیں۔

دہلی ہائی کورٹ نے جامعہ یونیورسٹی کے ایک طالب علم کو یونیورسٹی لائبریری میں پولیس کی لاٹھی چارج میں شدید چوٹ آنے کے معاملے میں معاوضے کے مطالبے کی عرضی پر سماعت کرتے ہوئے دہلی پولیس اور مرکزی حکومت کو نوٹس جاری کیا ہے۔

چیف جسٹس ڈی این پٹیل کی بینچ نے 27 مئی تک جواب داخل کرنے کا حکم دیا ہے۔

سماعت کے دوران کورٹ کو حال ہی میں سوشل میڈیا پر آئے سی سی ٹی وی فوٹیج کا بھی حوالہ دیا گیا ہے۔