بینکوں کے انضمام منسوخ کرنے اور بینکنگ سروس کی فیس کم کرنے کا مطالبہ

بائیں بازو کے رکن پارلیمنٹ ونے وسوم نے پبلک سیکٹر کے بینکوں کے انضمام کو فوری طور پرمنسوخ کرنے کا مطالبہ کرتے ہوئے منگل کو راجیہ سبھا میں کہا کہ بینکنگ سروسز پر بہت زیادہ چارج کیوں کیا جاتا ہے جسے کم کئے جانے کی ضرورت ہے۔

مسٹر وسوم نے وقفہ صفر کے دوران اس مسئلہ کو اٹھاتے ہوئے کہا کہ انضمام کے ذریعہ چھ سرکاری بینکوں کو ختم کیا جا رہا ہے جن کی علاقائی اور دیہی علاقوں میں اپنی اہمیت ہے۔اس کے انضمام کے خلاف آج دارالحکومت میں احتجاج ہو رہا ہے۔

مذید پڑھیں: ڈیجیٹل لین دین کے نئے کارڈ سے واقف ہیں آپ؟

انہوں نے کہا کہ انضمام سے کسی مسئلہ کا حل نہیں ہو سکتا بلکہ دیوالیہ ہو چکے بڑے قرضداروں سے وصولی کی جانی چاہئے۔ انہوں نے بینکنگ سروس کی فیس میں کمی کئے جانے کا مطالبہ کرتے ہوئے کہا کہ اس کا سب سے زیادہ اثر عام لوگوں پر ہو رہا ہے۔