دہلی وقف بورڈ کا 250 اسکول کھولنے کا منصوبہ

مسلم معاشرے میں تعلیم کے معیار کو بہتر بنانے کے لیے دہلی وقف بورڈ نے 250 معیاری اسکول کھولنے کا منصوبہ بنایا ہے۔

دہلی وقف بورڈ کے چیئرمین امانت اللہ خان نے گزشتہ روز جمیعت علمائے ہند کے صدر مولانا سید ارشد مدنی سے ملاقات کرکے انہیں بتایا کہ وقف بورڈ دارالحکومت دہلی میں 250 اس اسکول کھولنے کا منصوبہ بنا رہی ہے۔

امانت اللہ نے بتایا کہ اسکول مسلم اکثریتی علاقوں میں غریب بچوں کے لیے کھولے جائیں گے. اس سے جہاں مسلم معاشرے میں تعلیم کو عام کیا جا سکے گا وہی مسلم علاقوں میں اسکولوں کی قلت پر بھی قابو پایا جاسکےگا.

دہلی اقلیتی کمیشن کے چیئرمین ڈاکٹر ظفرالاسلام خان نے فیصلے کو خوش آئین بتاتے ہوئے اس کا خیرمقدم کیا اور کہا کہ وقف املاک پر ناجائز قبضہ سے بہتر ہے کہ بچے یہاں تعلیم حاصل کریں۔

انہوں نے مزید کہا کہ وقف جائیداد کا اس سے بہتر استعمال نہیں کیا جا سکتا۔

قابل ذکر ہے کہ اسی دوران مولانا ارشد مدنی نے دہلی وقف بورڈ کے ذریعے کھولے جانے والے اسکولوں میں تمام مذاہب کے بچوں کے لیے تعلیم کی راہ ہموار کرنے کی تجویز پیش کی تھی جسے فوری طور پر منظور بھی کر لیا گیا۔