نجف گڑھ: خواتین پولیس کانسٹیبل ڈیوٹی کے بعد ماسک بناتی ہیں

دہلی کے نجف گڑھ میں کورونا وائرس سے بچنے کے لیے خواتین پولیس اہلکار ڈیوٹی کے بعد کپڑے سے ماسک بنا کر نہ صرف غریبوں میں تقسیم کر رہی ہیں بلکہ پولیس کے جوانوں کو بھی مفت میں تقسیم کر رہی ہیں۔

‘پردھان منتری کوشل وکاس یوجنا’ کے تحت دہلی کے نجف گڑھ میں اے سی پی آفس کی عمارت کی تیسری منزل پر یہاں یوتھ سینٹر شروع کیا گیا تھا۔ لیکن لاک ڈاؤن ہونے کے بعد سے یہاں سب کچھ بند تھا۔ ضلع دوارکا کی ریزرو خواتین پولیس اہلکاروں کی ٹیم نے اسی کمرے میں کورونا وائرس سے بچنے کے لیے ماسک بنانے کی شروعات کرکے ہزاروں ماسک بنا کر صرف ضرورت مندوں تک ہی نہیں بلکہ پولیس کی ڈیوٹی میں جوانوں اور فوجیوں تک بھی پہنچایا جاتا ہے۔

ایڈیشنل ڈی سی پی دوارکا آر پی مینا نے ای ٹی وی بھارت کی ٹیم کو بتایا کہ یہ وہ خواتین پولیس اہلکار ہیں جو پہلے 8 گھنٹے کی ڈیوٹی کو پورا کرتی ہیں اور پھر وقت نکال کر دو سے تین گھنٹے کپڑوں کا ماسک بھی بناتی ہیں۔

خواتین پولیس کانسٹیبل ڈیوٹی کے بعد ماسک بناتی ہیں

وزیر اعظم نے لوگوں کو کپڑے کا ماسک پہننے کے لیے بھی آگاہ کیا ہے۔ تاکہ وہ غریب لوگ جو باہر سے ماسک نہیں خرید سکتے، وہ گھر میں کپڑے سے بنا ماسک استعمال کر سکتے ہیں۔

خواتین پولیس کانسٹیبل ڈیوٹی کے بعد ماسک بناتی ہیں

ضلع دوارکا کی خواتین پولیس اہلکار بھی اس کام میں حصہ لے رہی ہیں۔ یہ خواتین پولیس اہلکار وہی ہیں جو درزی کا کام جانتی ہیں۔ جنہیں نہیں آتی ہے، انہیں یہ ٹیم ٹریننگ بھی دیتی ہیں۔ اس کو دیکھتے ہوئے ویسٹرن رینج کی جوائنٹ سی پی شالینی سنگھ بھی یہاں پہنچی اور خواتین ٹیم سے ملاقات کی اور ان کی حوصلہ افزائی کی۔