دہلی پولیس حالات سے نمٹنے میں اہل: ایس این شریواستو

دہلی کے لیفٹنٹ گورنر انل بیجل نے آج تشدد سے متاثرہ علاقوں کا دورہ کیا اور وہاں لوگوں سے بات چیت بھی کی۔ اس موقع پر ان کے ساتھ دہلی پولیس کمشنر آشیش شریواستو بھی موجود رہے۔

اس دوران پولیس کمشنر ایس این شریواستو نے کہاکہ حالات اب معمول پر ہیں۔ کچھ لوگ جان بوجھ کر افواہ پھیلا کر ماحول خراب کرنا چاہتے ہیں، دہلی پولیس کسی بھی حالات سے نمٹنے کے لیے پوری طرح سے اہل ہے۔

ایس این شریواستو نے نے لوگوں سے اپیل کی ہے کہ وہ کسی بھی طرح کی افواہ پر دھیان نہ دیں۔

دہلی پولیس کمشنر نے آج دہلی کے لیفٹنٹ گورنر انل بیجل کے ساتھ شمال مشرقی دہلی کے تشدد زدہ علاقوں کا دورہ کیا۔ وہ کھجوری، گوکل پور واقع ٹائر مارکیٹ اور یمنا وہار علاقوں میں گئے۔

اس کے بعد سیلم پور واقع ڈی سی پی دفتر میں انہوں نے امن کمیٹی کی ایک میٹنگ میں لیفٹنٹ گورنر انل بیجل کے ساتھ شرکت کی۔

اس دوران طاہر حسین کے بارے میں پوچھے جانے پر انہوں نے کہا کہ قانونی عمل ہونا چاہیئے، وہ کیا جارہا ہے۔ ہماری کوشش ہے کہ جلد ہی اسے قانون کے سامنے پیش کیا جائے۔