دہلی پولیس نے 60 لوگوں کے ساتھ 'کووڈ کیئر اسسٹنٹس' کے نام سے ایک تربیتی پروگرام شروع کیا ہے۔ ان تربیت یافتہ نوجوانوں کو پرائمری ہیلتھ ورکرز کی خدمت میں لایا جاسکتا ہے۔
دہلی پولیس اپنے تربیتی پارٹنر آئی اے سی ٹی کے اشتراک سے یہ تربیتی پروگرام منعقد کر رہی ہے۔
تربیت یافتہ افراد کو صحت کی دیکھ بھال کی بنیادی ہدایات کے ساتھ www.yuva.iact.live پورٹل کے ذریعے 15 دن کے دوران 50 گھنٹوں کی آن لائن ٹریننگ دی جاتی ہے۔
نوجوان تربیت یافتہ افراد کو صفدرجنگ اسپتال سے نرسنگ ہیڈ کی مدد سے میڈیکل اور سرجیکل آلات کی بنیادی آن لائن تربیت دی گئی۔
دہلی پولیس اور آئی اے سی ٹی ان کورسوں کے لئے مغربی ضلع میں آن لائن تربیت فراہم کررہے ہیں ۔ سی او وی آئی ڈی کیئر اسسٹنٹ ایمرجنسی کیئر اسسٹنٹ تربیت کامیابی کے ساتھ مکمل کرنے والے 60 میں سے 54 امیدواروں کو ڈاکٹروں اور صحت کی دیگر ٹیموں کی مدد کے لئے رکھا جائے گا۔
واضح رہے کہ یووا یوجنا دہلی پولیس کی ایک اہم اسکیم ہے۔ جس کے تحت کچی آبادی اسکول نہ جانے والے بے روزگار نوجوانوں کو نہ صرف تربیت دی جاتی ہے بلکہ معاشرے کے مرکزی دھارے میں لایا جاتا ہے انہیں روزگار بھی فراہم کیا جاتا ہے۔