دہلی: سالگرہ تقریب میں چاقو سے حملہ، ایک ہلاک

دہلی کے منگول پوری علاقے میں بدھ کی رات سالگرہ کی تقریب میں ایک شخص کو چند افراد کے ایک گروپ نے چاقو مار کر ہلاک کردیا۔ اس سلسلے میں پولیس نے چار افراد کو گرفتار کیا ہے۔

پولیس کے مطابق بدھ کی رات دہلی کے منگول پوری علاقے میں بدھ کی رات ایک سالگرہ کی تقریب میں لوگوں کے ایک گروپ نے ایک شخص کو چاقو مار کر ہلاک کردیا۔

متاثر رنکو شرما ہسپتال میں علاج کے دوران زخم کی تاب نہ لاتے ہوئے چل بسا۔

پولیس کے مطابق چار افراد کو اس سلسلے میں گرفتار کیا گیا ہے اور متعدد دفعات کے تحت مقدمہ درج کیا گیا ہے۔

پولیس نے بتایا کہ اب تک کی تحقیقات کے دوران یہ بات سامنے آئی ہے کہ 'سالگرہ تقریب کے دوران ریسٹورنٹ بند کرنے کے سلسلے میں یہ جھگڑا شروع ہوا تھا۔'

پولیس نے مزید کہا کہ تمام افراد ایک دوسرے کو جانتے ہیں اور ایک ہی علاقے میں رہتے ہیں۔ مزید تفتیش جاری ہے۔