شیوکمار کی اہلیہ اور والدہ کی درخواست ملتوی

دہلی ہائی کورٹ نے کانگریس کے رہنما ڈی کے شیوکمار کی اہلیہ اور والدہ کی طرف سے دائر درخواست کو بدھ کے روز تک ملتوی کردیا ہے۔

ان دونوں نے شیوکمار کے خلاف منی لانڈرنگ کیس کے سلسلے میں انفورسمنٹ ڈائریکٹوریٹ کی جانب سے جاری کردہ سمن کو چیلنج کیا تھا۔

اس کیس کی اگلی سُنوائی چار نومبر کو مقرر کی گئی ہے۔

شیوکمار کو تین ستمبر کو انفورسمنٹ ڈائریکٹوریٹ (ای ڈی) نے گرفتار کیا تھا اور 25 اکتوبر تک عدالتی تحویل میں بھیج دیا گیا تھا۔

شیوکمار کے خلاف مبینہ منی لانڈرنگ کا معاملہ ای ڈی کے ذریعہ گذشتہ برس ستمبر میں انکم ٹیکس محکمہ کی طرف سے دائر ایک شکایت کی بنیاد پر درج کیا گیا تھا جس میں ان پر کروڑوں کی ٹیکس چوری اور حوالہ کے لین دین کا الزام لگایا تھا۔