دہلی حکومت اساتذہ کو ہائی ٹیک بنانے کی مہم کے تحت ڈائریکٹوریٹ آف ایجوکیشن میں نوتقرر شدہ 2103 اساتذہ کو ٹیب دستیاب کرائے گی۔
نائب وزیر اعلی اور وزیر تعلیم منیش سسودیا نے جمعہ کے روز کہا کہ دہلی حکومت سرکاری اسکولوں میں تعلیم حاصل کرنے والے بچوں کو معیاری تعلیم فراہم کرنے کے لئے پرعزم ہے، اسی سمت میں سرکار اپنے سبھی اساتذہ کو ٹیب مہیا کرتی ہیں تاکہ اساتذہ اپنے درس و تدریس میں ٹکنالوجی کا استعمال کر کے طلباء کو لرننگ کے بہتر تجربات فرہم کرسکیں۔
سرکاری اسکولوں کے تعلیمی معیار کو بہتر بنانے اور اساتذہ کو ہائی ٹیک بنانے کی مہم کے طور پر دہلی حکومت اپنے تمام اساتذہ کو ٹیب فراہم کراتی ہے۔ سنہ 2018-19 میں بھی دہلی حکومت کی جانب سے ڈائریکٹوریٹ آف ایجوکیشن کے 60،555 اساتذہ کو ٹیب دستیاب کرائے تھے۔
مزید پڑھیں:
نائب وزیراعلیٰ نے کہا کہ اکیسویں صدی میں تعلیم میں ٹیکنالوجی کو شامل کرنا اشد ضروری ہے۔ تیکنیک ٹیچنگ لرننگ سرگرمی کو آسان بناتی ہے اورطلباء ٹکنالوجی کے ذریعہ زیادہ بہتر طریقے سے سیکھتے ہیں۔
انہوں نے کہا کہ کورونا کے دور میں بچوں کی پڑھائی متاثر نہ ہو اس کے لئے حکومت نئے نو تقرر شدہ اساتذہ کو سرکاری ٹیب دستیاب کررہی ہے تاکہ وہ آن لائن کے ذریعہ سے اپنے طلباء سے وابستہ رہیں اور تدریسی عمل آسانی سے جاری رہے۔