دہلی حکومت نے'اسکل یونیورسٹی' کھولنے کا اعلان کیا

اس یونیورسٹی میں 85 فیصد سیٹیں دہلی کے ووٹرز کے لیے مختص رہیں گی اور 15 فیصد بھارت کے دیگر ریاستوں کے طلباء کے لیے ہوں گی۔

دارالحکومت دہلی میں وزیراعلی اروند کیجریوال نے 'اسپورٹس یونیورسٹی' کے بعد اب 'اسکل یونیورسٹی' کھولنے کا اعلان کیا ہے۔

انتخابات کی تاریخیں جیسے جیسے نزدیک آ رہی ہیں ویسے ویسے عام آدمی پارٹی اپنے انتخابی وعدوں کو پورا کرنے کی کوشش کر ہی ہے۔

انتخابات کے پیش نظر دہلی کے وزیراعلی اروند کیجریوال نے 'اسکل یونیورسٹی' کے قیام کا اعلان کیا ہے۔

اگر انہیں لیفٹیننٹ گورنر سے منظوری مل گئی تو وہ ایک سال کے اندر ہی 'اسکل یونیورسٹی' کے تعمیراتی کاموں کو شروع کر دیں گے۔

اس یونیورسٹی میں 85 فیصد سیٹیں دہلی کے ووٹرز کے لیے مختص رہیں گی اور 15 فیصد بھارت کے دیگر ریاستوں کے طلباء کے لیے ہوں گی۔

وزیراعلی نے بتایا کہ اس یونیورسٹی سے تعلیم مکمل کرنے والے تمام طلباء کو کیمپس پلیسمنٹ بھی دیا جائے گا۔