دینی تعلیمی بورڈ جمعیۃ علماء ہند کی تحریک کو مستحکم کرنے کے مقصد سے چار مینار مسجد ابوالفضل اوکھلا کے ذمہ داروں اور با اثر علما کی میٹنگ منعقد ہوئی جس میں مہمان خصوصی مولانا حکیم الدین قاسمی ،جنرل سکریٹیر جمعیۃ علما ہند شریک ہوئے۔
دینی تعلیمی بورڈ کی اوکھلا میں میٹنگ دینی تعلیمی بورڈ جمعیۃ علماء صوبہ دہلی کی شاخ 'جنوبی دہلی' کے لیے مجلس عاملہ کا انتخاب عمل میں آیا۔بعد میں مجلس عاملہ نے مولانا محمد بلال کو دینی تعلیمی بورڈ جمعیۃ علما حلقہ جنوب مشرقی دہلی کا صدر منتخب کیا۔
اس کے علاوہ مولانا شمیم احمد قاسمی امام وخطیب جامع مسجد ذاکر نگر جنرل سکریٹری۔ مولانا شہزادہ مولانا حسام الدین نائب صدر اور حاجی شکیل احمد خازن مقرر ہوئے۔ اس موقع پر مولانا حکیم الدین قاسمی جنرل سکریٹری جمعیۃ علماء نے کہا کہ آزادی وطن کے بعد جمعیۃ علماء ہند نے دینی تعلیم کی تحریک کی بنیاد رکھی اور اسے نسل نو کی تعمیر کی اساس قرار دیا۔
انہوں نے کہا کہ آج جس حالات سے ہم گزر رہے ہیں وہ کسی سے پوشیدہ نہیں ہے۔ آج کے دور میں ائمہ حضرات کو خصوصی توجہ دلائی جائےکہ وہ معیاری مکاتب قائم کریں۔ اس موقع پر مولانا قاری عبدالسمیع جنرل سکریٹری دینی بورڈ جمعیۃ علما صوبہ دہلی نے ریاست بھر میں جاری تحریکات کا تذکرہ کیا اور کہا کہ دہلی میں مختلف علاقوں میں ماڈل مکاتب قائم کیے جارہے ہیں۔ انہوں نے کہا کہ جمعیۃ عماء ہند کے اس خواب کو دہلی میں پایہ تکمیل تک پہنچایا جائے گا کہ ہر مسلم بچہ مکتب ضرور جائے۔
یہ بھی پڑھیں: ’بھارت میں 30 کروڑ سے زائد افراد ناخواندہ ہیں‘
مولانا عظیم اللہ صدیقی نے اپنے بیان میں دینی تعلیمی بورڈ کی تحریکات کا تذکرہ کیا۔ اس موقع پر جمعیۃ علما ہند کے سینئر آرگنائزر مولانا ضیا اللہ قاسمی، حاجی محمد شکیل، مولانا شمیم، حافظ دانش، مولانا احتشام الدین وغیرہ موجود تھے۔
