شہید جوان کا جسدخاکی آج ترو اننت پورم پہنچے گا

سیاچن کے گریز سیکٹر میں برفانی تودہ میں دبنے کی وجہ سے ہلاک ہوئے جوان کا جسد خاکی کیرالہ کے ترواننت پورم بین الاقوامی ہوائی اڈے پر جمعرات کی رات ساڑھے 10 بجے پہنچے گا۔

سرکاری بیان کے مطابق برفانی طوفان میں پانچ سکیورٹی فورسز کے اہلکار ہلاک ہوئے جن میں ایک اہلکار ترو اننت پورم کا تھا۔ ہلاک ہونے والے سکیورٹی فورسز کے اہلکاروں کو فوج اور مقامی انتظامیہ ہوائی اڈے پر خراج عقیدت پیش کیا گیا ۔

شہید جوان نائیک آل ایس ایس کے جسد خاکی کو سرینگر بیس ہسپتال سے ان کے آبائی گاوں پوواچل لے جایا جائے گا۔

واضح رہے کہ تین دسمبر کو ٹنگدھار سیکٹر فوجی چوکی اور فوج کا ایک گشتی قافلہ برفانی تودہ کی زد میں آ گیا تھا۔ بچاؤ عملہ کی سخت محنت کے بعد برف میں دبے جوانوں کی لاشوں کا پتہ لگا یا گیا تھا۔