Delhi Cops Knock Rahul Gandhi's Doors دہلی پولیس راہل گاندھی کی رہائش گاہ پہنچی

کانگریس کے رکن پارلیمان راہل گاندھی نے بھارت جوڑو یاترا کے دوران 'جنسی ہراسانی' کی شکار خواتین کا ذکر کیا تھا جس سے متعلق دہلی پولیس نے راہل گاندھی سے متاثرہ خواتین کی تفصیلات طلب کیں تاکہ انہیں تحفظ فراہم کیا جاسکے۔ Delhi police at Rahul Gandhi residence

نئی دہلی: دہلی پولیس اتوار کی صبح راہل گاندھی کی رہائش گاہ پہنچی۔ یاد رہے کہ گذشتہ دنوں دہلی پولیس نے جنسی ہراسانی کی شکار خواتین کی جانکاری دینے کے لیے راہل گاندھی کو ایک نوٹس دیا تھا۔ دہلی پولیس کے اسپیشل کمشنر آف پولیس (لاء اینڈ آرڈر) ساگر پریت ہڈا اتوار کی صبح راہل گاندھی کے گھر پہنچے تاکہ متاثرہ لڑکیوں کے بارے میں مزید جانکاری حاصل کرسکیں جس کا راہل گاندھی نے اپنی تقریر میں ذکر کیا تھا۔ دہلی پولیس نے پہلے ان متاثرہ خواتین کی تفصیلات طلب کی تھیں تاکہ قصورواروں کے خلاف کارروائی کی جا سکے۔

صحافیوں سے بات کرتے ہوئے اسپیشل کمشنر آف پولیس نے کہا ہم یہاں ان سے بات کرنے آئے ہیں۔ راہل گاندھی نے 30 جنوری کو سری نگر میں ایک بیان دیا تھا کہ یاترا کے دوران وہ کئی خواتین سے ملے جنہوں نے انہیں بتایا کہ ان کے ساتھ عصمت دری کی گئی ہے۔ ہم کوشش کر رہے ہیں۔ ان سے تفصیلات حاصل کریں تاکہ ان خواتین کو انصاف مل سکے۔ پولیس نے سوشل میڈیا پوسٹس کا نوٹس لیا اور ایک سوالنامہ بھیجا جس میں وائناڈ کے رکن پارلیمان سے کہا گیا کہ ان خواتین کے بارے میں تفصیلات بتائیں جنہوں نے جنسی ہراسانی کے حوالے سے ان سے رابطہ کیا تھا۔ سری نگر میں بھارت جوڑو یاترا کے آخری دن راہل گاندھی نے مبینہ طور پر کہا تھا کہ بھارت جوڑو یاترا کے دوران انہوں نے خواتین کے جنسی استحصال کے بارے میں مختلف داستانیں سنی ہیں۔ دہلی پولیس نے کہا کہ وہ اپنی تفصیلات بتائیں تاکہ وہ متاثرہ خواتین کو تحفظ فراہم کرسکیں۔