انصاف آج بھی ایک بڑے طبقے کی رسائی سے دور

صدر جمہوریہ ہند رام ناتھ كووند نے ہر شخص کے لیے انصاف کو قابل رسائی بنانے کی وکالت کرتے ہوئے منگل کے روز کہا کہ اب بھی سماج کا ایک بڑا طبقہ ایسا ہے جو انصاف تک رسائی دور ہے۔

صدر كووند نے آئین کی 70 ویں سالگرہ کے موقع پر سپریم کورٹ کی نئی عمارت کے احاطے میں واقع آڈیٹوریم میں منعقد پروگرام میں کہا کہ سپریم کورٹ نے عام لوگوں تک انصاف کی رسائی یقینی بنانے کے لئے کئی کوششوں کی ہیں، لیکن معاشرے کا ایک بڑاطبقہ انصاف تک رسائی سے آج بھی دور ہے۔

صدر نے سب کے لیے انصاف کو قابل رسائی بنانے کی وکالت کرتے ہوئے کہا کہ انصاف حاصل کرنے میں آنے والی لاگت کافی زیادہ ہوتی ہے اور ایسی صورت میں انصاف قابل رسائی بنانے کے لیے مفت قانونی خدمات فراہم کرنے کا التزام کارگر طریقہ ثابت ہوتا ہے۔

صدر نے آئین کو ہندوستان کا ’دھرم گرنتھ‘ قرار دیتے ہوئے کہا کہ اس کی وضاحت بہت حساسیت اور مہارت سے کی جانی چاہئے۔

سپریم کورٹ کو آئین کی آخری وضاحت کرنے والا قرار دیتے ہوئے صدر نے کہا کہ اس معاملے میں عدلیہ کے کردار سرپرست کے جیسی ہے۔ ان ستر برسوں میں عدلیہ نے اپنی ذمہ داری بخوبی انجام دی ہے۔

اس موقع پر چیف جسٹس ایس اے بوبڈے نے کہا کہ آئین کے ذریعے ملک میں سماجی انقلاب آیا ہے۔ وزیر قانون روی شنکر پرساد بھی اس موقع پر موجود تھے۔