دراصل شہریت ترمیمی ایکٹ کے خلاف احتجاج کر رہے جامعہ ملیہ اسلامیہ یونیورسٹی کے طلباء پر دہلی پولیس کے ذریعہ ڈھائے گئے مظالم کے خلاف ملک گیر سطح پر احتجاج کا آغاز ہوا تھا، جس میں کانگریس کی جنرل سکریٹری پرینکا گاندھی واڈرا نے بھی شرکت کی تھی۔
حالانکہ شہریت ترمیمی ایکٹ پر حکمران جماعت کی جانب سے مسلسل غلط بیانی کی جا رہی ہے گذشتہ روز ہی بھارتی وزیر اعظم نے ڈٹینشن سینٹر کی بات کو ماننے سے انکار کیا ہے جبکہ وزیر داخلہ نے ڈٹینشن سینٹر کی بات پارلیمنٹ میں قبول کی ہے۔
اسی سے متعلق آج دارالحکومت دہلی میں آل انڈیا کانگریس کمیٹی نے ستیہ گرہ کا راستہ اختیار کرتے ہوئے راج گھاٹ پر یہ تقریب منعقد کی جس میں کانگریس کے تمام بڑے رہنماؤں نے شرکت کی۔