قومی دارالحکومت دہلی میں مرکزی حکومت کے ذریعہ رسوئی گیس کی قیمتیوں میں ہوئے اضافے کے خلاف کانگریس کمیٹی کے صدر سبھاش چوپڑہ کی قیادت میں سینکڑوں کانگریسی کارکنان نے شاستری بھون پر دھرنا دیا۔
مہنگائی کے خلاف دہلی کانگریس نے دھرنا دیا سبھاش چوپڑہ نے اس موقع پر لوگوں سے خطاب کرتے ہوئے کہا کہ یکم ستمبر کو گیس سیلنڈر کی قیمت 574 روپے تھی جو اب بڑھ کر 714 روپے ہوگئی ہے۔
انہوں نے کہا کہ پانچ مہینے میں گھریلو رسوئی گیس کی قیمتوں میں 140 روپے کا اضافہ کرکے بی جے پی حکومت نے نہ صرف عوام کی کمر توڑ دی ہے بلکہ ان کے گھر کا بجٹ بھی بگاڑ دیا ہے۔
انہوں نے کہا کہ گیس سلنڈر میں اضافہ دھوکہ ہے اور مودی کے 'سب کا ساتھ سب کا وکاس' کے نعرے کی پول کھولتا ہے۔
انہوں نے کہا کہ کانگریس کے دور حکومت میں گیس سلنڈر 399 روپے میں ملتا تھا جو اب دہلی میں 714 روپے ہو گیا ہے۔
انہوں نے کہا کہ موجودی حکومت پیاز، آلو، لہسن جیسی روز مرہ کی قیمتوں کو بھی قابو کرنے میں پوری طرح ناکام ثابت ہوئی ہے۔
سبھاش چوپڑہ نے کجریوال حکومت سے یہ مطالبہ کیا کہ دہلی کے عوام کو راحت دینے کے لیے گیس سبسڈی دی جائے۔
انہوں نے یاد دلاتے ہوئے کہا کہ شیلا دکشت کی قیادت والی کانگریس حکومت میں جب مرکز نے گیس کی قمت بڑھائی تھی تو دہلی حکومت نے فوری گیس پر سبسڈی دی تھی۔
دھرنے پر بیٹھے لوگوں نے مطالبہ کیا ہے کہ مرکزی حکومت گیس سلنڈر کی اضافی قیمتوں کو فوری واپس لے۔
