اہل گاندھی نے دہلی کے آنند وہار ریلوے اسٹیشن پر قلیوں سے ملاقات کی نئی دہلی:کانگریس لیڈر راہل گاندھی جمعرات کی صبح اچانک دہلی کے آنند وہار ریلوے اسٹیشن پہنچ گئے۔ راہل گاندھی کو دیکھنے کے لیے یہاں لوگوں کی بھیڑ جمع ہوگئی۔ یہی نہیں، راہل گاندھی نے آنند وہار ریلوے اسٹیشن پر کام کرنے والے قلیوں سے ملاقات بھی کی۔ یہ ملاقات کافی دیر تک جاری رہی۔ راہل گاندھی نے قلیوں سے بات چیت کی۔ اس دوران وہ خود بھی قلیوں کے ساتھ زمین پر بیٹھ گئے اور آپس میں باتیں کرنے لگے۔
یہ بھی پڑھیں:راہل گاندھی ٹرک پر سوار ہوکر دہلی سے چندی گڑھ آئے،ویڈیو وائرل
راہل گاندھی نے آنند وہار ریلوے اسٹیشن پر قلیوں سے ملاقات کرتے ہوئے مسافروں کا سامان بھی اٹھایا۔ اس دوران راہل گاندھی نے ان کے مسائل سنے۔ قابل ذکر ہے کہ گزشتہ ماہ قلیوں کا ایک ویڈیو وائرل ہوا تھا۔ جس میں انہوں نے راہل گاندھی سے ملنے کی خواہش ظاہر کی تھی۔ آپ کو بتا دیں کہ راہل گاندھی گزشتہ ایک ماہ قبل آزاد پور منڈی پہنچے تھے۔ اس سے پہلے وہ کرول باغ کے بائک مارکیٹ بھی پہنچے تھے۔ اس کے علاوہ انھوں نے ایک کھیت میں دھان بھی لگائی تھی۔ اس طرح راہل گاندھی مسلسل لوگوں سے مل رہے ہیں۔
یہ بھی پڑھیں:راہل گاندھی لداخ میں بائیک سواری سے لطف اندوز
کانگریس نے راہل گاندھی کا آنند وہار ریلوے اسٹیشن پر قلیوں سے ملاقات کرنے کا ایک ویڈیو بھی جاری کیا ہے۔ آئی این سی ٹی وی ایکس کے ہینڈل سے ویڈیو شیئر کرتے ہوئے لکھا گیا ہے، بھارت جوڑو یاترا جاری ہے۔ مہاتما گاندھی کے خیالات سے متاثر ہو کر بڑے پیمانے پر لیڈر راہل گاندھی نے بھارت کو متحد کرنے کا سفر شروع کیا ہے۔ ان کا قافلہ آج دہلی کے آنند وہار ریلوے اسٹیشن پہنچا۔ راہل نے قلیوں کے خیالات کو سنا، ان کے درد اور مسائل کو سنا اور سمجھا۔
