'تمام مسائل کو ترجیحی بنیاد پر حل کیا جائے گا'

کانگریس کے وفد نے نوئیڈا کی نو منتخب سی ای او سے ملاقات کے دوران نوئیڈا شہر اور دیہی مسائل سے آگاہ کرایا۔

کانگریس کے وفد نے نوئیڈا کی نو منتخب سی ای او سے ملاقات کرنے کے بعد نوئیڈا کے شہر اور دیہی مسائل سے آگاہ کرایا۔
اترپردیش کانگریس کمیٹی کے رکن لیاقت چودھری اور ریاستی صدر ستیندر شرما کی قیادت میں کانگریس کا ایک وفد نوئیڈا اتھارٹی کی نو منتخب چیف ایگزیکٹیو آفیسر مسز ریتو مہیشوری سے ملاقات کر کے ان کا خیر مقدم کیا، کانگریس کے وفد نے اس دروان انہیں نوئیڈا کے شہر اور دیہی مسائل سے آگاہ کیا۔

جس میں نوئیڈا کے کسانوں کی آبادی کا مسئلہ اور دیہات کے بارات گھروں کا ڈیولپمنٹ، خستہ حال سڑکوں اور پانی کی سپلائی، صفائی کے نظام میں بہتری، سیوریج اور ناليوں کے اہم مسائل وغیرہ شامل ہیں۔

چیف ایگزیکٹیو آفیسر مسز ریتو مہیشوری نے تمام مسائل کو سننے کے بعد یقین دہانی کرائی کہ تمام مسائل کو جلد سے جلد ترجیحی بنیاد پر حل کیا جائے گا۔