امت شاہ کو "لسانی تنوع" کا احترام کرنا چاہئے: کانگریس

کانگریس نے مرکزی وزیر داخلہ امت شاہ کے ذریعہ یوم ہندی کے موقع پر ہندی زبان کو لازمی کرنے کی وکالت پر شدید ردعمل ظاہر کرتے ہوئے انہیں سہ لسانی فارمولہ کا احترام کرنے کی نصیحت دی ہے۔

وزیر داخلہ امت شاہ کے ذریعہ یوم ہندی کے موقع پر پورے ملک میں ہندی زبان کو لازمی کرنے کی وکالت سے قومی سطح پر ہنگامہ برپا ہوگیا ہے۔

کانگریس کے سینئر رہنما آنند شرما نے کہا کہ میں بھی ہندی زبان بولتا ہوں اس کا مطلب یہ نہیں کہ میں اپنی زبان کسی پر تھوپ دونگا۔ انہوں نے آزادی کے بعد ہمارے دانشمند اور خیر خواہ رہنماؤں نے سہ لسانی فارمولہ بنایا تھا، وزیر اعظم اور وزیر داخلہ کو اس کا احترام کرنا چاہئے۔

آنند شرما نے کہا کہ ہمارے آئیں میں لسانی تنوع کو ایک اہمیت حاصل ہے، ہندی ہماری سرکاری زبان ہے، لیکن اس کے علاوہ دیگر اور زبان ہیں جسے آئینی تحفظ حاصل ہے۔

وہیں بنگلہ، تمل، سے لے کر پنجابی اور اردو وغیرہ۔ یہ زبانیں بھارتی ہیں، اور کروڑوں لوگ الگ الگ زبان بولتے ہیں اور یہی لسانی تنوع ہماری آئین کی خصوصیت ہے، اس لئے وزیر داخلہ کو لسانی تنوع کا احترام کرنا چاہئے۔