دہلی اسمبلی کی سندھو کو مبارکباد

دہلی اسمبلی نے عالمی بیڈمنٹن مقابلہ میں طلائی تمغہ جیت کر نئی تاریخ رقم کرنے والی بھارت کی پی وی سندھو کو مبارک باد دی ہے۔

اسمبلی کے صدر رام نواس گوئل نے پیغام تہنیت میں کہا کہ پی وی سندھو کو مبارکباد، پورا ملک فخر محسوس کر رہا ہے۔

سندھو نے جاپان کی نوجومی اوكهارا کو اتوار کو یک طرفہ انداز میں 21-7، 21-7 سے شکست دے کر ورلڈ بیڈمنٹن میں طلائی تمغہ جیت کر نئی تاریخ رقم کی، سندھو عالمی چمپئن شپ میں سونے کا تمغہ جیتنے والی پہلی بھارتی کھلاڑی بن گئی ہیں۔

سندھو گزشتہ دو برس عالمی چمپئن شپ کے فائنل میں ہاری تھیں لیکن اس بار انہوں نے کوئی غلطی نہیں کی اور زبردست مظاہرہ کرتے ہوئے اوكهارا کو مسلسل گیموں میں شکست دے دی۔

خیال رہے کہ اولمپک سلور فاتح سندھو کا عالمی چمپئن شپ میں یہ پانچواں تمغہ ہے، وہ اس سے پہلے دو چاندی اور دو کانسی کے تمغے جیت چکی ہیں۔

پانچویں سیڈ سندھو نے تیسری سیڈ اوكهارا کو 38 منٹ میں شکست دے کر بھارت میں جشن کا ماحول پیدا کر دیا۔