میوات: نوجوانوں کے ذریعے گاؤں میں صفائی مہم

ریاست ہریانہ کے میوات میں صفائی کو لیکر دیہی سطح پر قابل ستائش مہم کا آغاز کیا گیا ہے۔ انجمن اصلاح میوات کے بینر تلے کلیننگ واریئرز نے گاؤں میں صفائی مہم شروعات کر دی ہے۔

اس ضمن میں جکھوپور گاؤں میں نوجوانوں نے گندگی اور کیچڑ کو ٹریکٹر کے ذریعے اور اپنے ہاتھوں سے صفائی کر رہے ہیں۔

میوات میں سرپنچوں اور انتظامیہ کی بے توجہی کے چلتے گاؤں کے راستے گندگی اور کیچڑ سے بھرے پڑے ہیں۔ ایسے میں انجمن کے کارکنان نے اپنے اپنے گاؤں میں کمیٹی بناکر صفائی شروع کر دی ہے۔

جس کی علاقہ میں خوب ستائش ہو رہی ہے۔ اس سلسلے میں انجمن اصلاح میوات کے صدر مولانا ناصر زکریا اٹاوڈی نے بتایا کہ یہ مہم ہم ہر گاؤں تک لے جانا چاہتے ہیں۔