دہلی تشدد: 28 اور 29 فروری کے سی بی ایس ای امتحانات ملتوی

شمال مشرقی دہلی میں تشدد کے بعد کشیدہ صورتحال کی وجہ سے سینٹرل بورڈ آف سیکنڈری ایجوکیشن (سی بی ایس ای) نے 28 اور 29 فروری کو 10 ویں اور 12 ویں کے امتحانات کو ملتوی کر دیا ہے۔ ساتھ ہی کہا کہ امتحانات کے لیے جلد ہی نئی ڈیٹ شیٹ جاری کی جائے گی۔

دہلی تشدد کی وجہ سے دہلی کے وزیر تعلیم منیش سسودیا کی جانب سے سی بی ایس ای سے درخواست کی تھی کہ طلبا، والدین اور عملے کو کسی بھی طرح سے تکلیف نہ ہو اس لیے ان علاقوں کی صورتحال کی وجہ سے امتحانات ملتوی کر دیے جائیں۔

حالات کو دیکھتے ہوئے سی بی ایس ای کی جانب سے شمال مشرقی دہلی میں 28 اور 29 فروری کو ہونے والے امتحانات کو ملتوی کرنے کا فیصلہ کیا گیا ہے۔

واضح رہے کہ تشدد کی وجہ سے 26 اور 27 فروری کو شمال مشرقی دہلی میں ہونے والے امتحانات کو بھی ملتوی کردیا گیا تھا۔

وہیں بورڈ کی جانب سے کہا جارہا ہے کہ جلد ہی ان علاقوں میں امتحانات کے لیے نئی ڈیٹ شٹ جاری کی جائےگی۔