دہلی ایئرپورٹ کو بم سے اُڑانے کا فرضی فون

دارالحکومت دہلی کے ایئرپورٹ ٹرمینل نمبر دو بم سے تباہ کرنے کا دھمکی بھرا فون دہلی پولیس کو ملا، جس کی وجہ سے ایئرپورٹ پر مسافروں کے درمیان سراسیمگی پھیل گئی۔

گذشتہ شب 8:50 پر دہلی پولیس کو ایک نامعلوم شخص کا فون موصول ہوا، جس میں اس نے فون پر دھمکی دی کہ ایئر پورٹ ٹرمینل نمبر دو کو بم سے اڑایا جانے والا ہے۔

اس فون کال پر پولیس انتظامیہ متحرک ہوگئ اور فوراً اس پر کارروائی شروع کر دی۔

اس وجہ سے تقریباً دو گھنٹے تک ٹرمینل نمبر دو کی تمام پروازیں متاثر رہیں۔

اطلاع ملتے ہی انتظامیہ کی جانب سے ایئرپورٹ کو خالی کرا لیا گیا۔

بی ڈی ایس اور سی آر پی ایف کے ذریعہ تقریباً دو گھنٹے تک تلاشی لی گئی۔

تفتیش کے بعد معلوم ہوا یہ ایک فرضی فون کال تھی، جس نے محض پریشان کرنے لیے کال کیا تھا۔

اس کے بعد ائیرپورٹ ٹرمنل نمبر دو کی تمام پروازیں حسب معمول اُڑنے لگیں۔

فون کرنے والے شخص کی شناخت کر لی گئی ہے، تاہم اس نے فون پر دھمکی دینے کی بات سے انکار کر دیا ہے۔

پولیس انتظامیہ اس سلسلے میں مزید تفتیش کر رہی ہے۔