ایمرجنسی کریڈٹ لائن گارنٹی اسکیم کی رقم میں بھاری اضافہ

مرکزی وزیر خزانہ نرملا سیتا رمن نے اپنے ٹویٹ میں کہا ہے کہ '100 فیصد ای سی ایل جی ایس کے تحت پبلک سیکٹر بینکوں کے ذریعے منظور کردہ قرضوں کی رقم بڑھ کر 70،894.59 کروڑ روپے ہوگئی، جس میں سے 20 جولائی تک 45،797.29 کروڑ روپے کی رقم تقسیم کردی گئی ہے'۔

مرکزی وزیر خزانہ نرملا سیتا رمن نے ایک ٹویٹ میں انکشاف کیا ہے کہ 20 جولائی 2020 تک پنجاب اینڈ سندھ بینک (پی ایس بی) اور نجی بینکوں کے ذریعہ 100 فیصد ایمرجنسی کریڈٹ لائن گارنٹی اسکیم کے تحت منظور شدہ رقم کو بڑھا کر 1،27،582.60 کروڑ روپے کی گئی ہے۔ جس میں سے 77،613.06 کروڑ روپے پہلے ہی جمع ہوچکے ہیں۔

وزیر خزانہ نرملا سیتا رمن نے اپنے ٹویٹ میں لکھا ہے کہ 'ایمرجنسی کریڈٹ لائن گارنٹی اسکیم (ای سی ایل جی ایس) کووڈ 19 اور اس کے نتیجے میں لاک ڈاؤن کی وجہ سے پیش آنے والی غیر معمولی صورتحال کے مقابلے کے لیے تشکیل دی گئی ہے'۔

سیتا رمن نے یہ بھی کہا کہ 'منظور شدہ قرضوں کی مجموعی رقممیں 4،237.44 کروڑ روپئے کا اضافہ ہوا ہے اور پی ایس بی اور نجی شعبے کے دونوں بینکوں کے ذریعہ فراہم کردہ قرضوں کی مجموعی رقم میں 15 جولائی تا 20 جولائی 2020 کے مابین 9،301.51 کروڑ روپے کا اضافہ ہوا ہے'۔

واضح رہے کہ ایمرجنسی کریڈٹ لائن گارنٹی اسکیم (ای سی ایل جی ایس) کو کووڈ 19 کے نتیجے میں پیدا ہونے والی ہنگامی صورت حال اور اس کے نتیجے میں لاک ڈاؤن کے مخصوص ردعمل کے طور پر تشکیل دیا گیا ہے۔

لاک ڈاون کے نتیجے میں ایم ایس ایم ایز سیکٹر میں مینوفیکچرنگ اور دیگر سرگرمیوں بری طرح متاثر رہی۔