ایودھیا کیس کی راست نشریات کے لیے عرضی

سپریم کورٹ ایودھیا معاملہ کی سماعت کو براہ راست نشر کرنے سے متعلق مفاد عامہ کی عرضی پر 16 ستمبر کو سماعت کریگی۔

اس معاملہ میں عرضی گزار کے این گووند آچایہ کی طرف سے چیف جسٹس رنجن گوگوئی کی صدارت والی بنچ کے سامنے خاص طور سے ذکر کیا گیا، جس پر عدالت عظمی نے کہاکہ وہ اس پر 16 ستمبر کو سماعت کریگی۔

گزشتہ سماعت کے دوران عدالت نے کہا تھاکہ یہ انتہائی حساس معاملہ ہے۔ آر ایس ایس کے سابق نظریہ ساز کے این گووند آچاریہ کی عرضی میں اجودھیا معاملہ کی سماعت کو براہ راست نشر یا ریکارڈنگ کرنے کی درخواست کی گئی ہے۔

گووند آچاریہ نے عرضی میں کہا ہے کہ یہ معاملہ قومی اہمیت کا حامل ہے۔ عرضی گزار سمیت کروڑوں لوگ اس سماعت کا حصہ بننا چاہتے ہیں۔ انھوں نے ستمبر 2018 کے عدالت عظمی کے اس حکم کا حوالہ دیا ہے جس میں اہم آئینی معاملوں کی سماعت کو براہ راست نشر کرنے کی بات کہی گئی تھی۔