فرید آباد: کانگریس رکن اسمبلی پر جوتا پھینکنے کی کوشش

این آئی ٹی-86 سے کانگریس کے ایم ایل اے نیرج شرما پر ایک شخص نے جوتا پھینکنے کی کوشش کی۔ لیکن وہ اس میں کامیاب نہیں ہوسکا۔ مہا پنچایت میں موجود لوگوں نے جوتا پھینکنے سے پہلے اس شخص کو پکڑ لیا۔

نکیتا قتل کیس کے مجرموں کو پھانسی دینے کے مطالبہ کے لئے بلبھ گڑھ میں ایک مہپنچایت کا انعقاد کیا گیا تھا۔ مہاپنچایت کے دوران ایک شخص نے این آئی ٹی 86 سے کانگریس کے ممبر اسمبلی نیرج شرما پر جوتا پھینکنے کی کوشش کی۔

تاہم وہ اس میں کامیاب نہیں ہو پایا۔ پنچایت میں لوگوں نے جوتا پھینکنے سے پہلے اسے پکڑ لیا۔ جیسے ہی ایم ایل اے نیرج شرما نے پنچایت میں تقریر کرنا شروع کی، نوجوان چیختا ہوا آیا اور کانگریس کے ایم ایل اے پر جوتا پھینکنے کی کوشش کی، لیکن وہاں موجود لوگوں نے اسے پکڑ لیا۔

بتادیں کہ نکیتا قتل کیس میں اتوار کے روز بلبھ گڑھ کے دسہرہ گراؤنڈ میں متاثرہ افراد کے اہل خانہ اور ان کے حامیوں کے ذریعہ ایک مہپنچایت کا اہتمام کیا گیا تھا۔ مہاپنچایت آنے والے لوگوں نے متاثرہ افراد کے کنبہ کی مالی مدد کا مطالبہ کیا اور ملزمین کو جلد سے جلد پھانسی دیے جانے کا مطالبہ کیا۔

اس دوران وہاں موجود کچھ نوجوانوں نے جوش پیدا کیا اور دہلی آگرہ قومی شاہراہ کو روک دیا۔ کچھ شرارتی عناصر نے قومی شاہراہ پر کچھ دکانوں کو نشانہ بنایا، جس کے بعد مشتعل افراد نے پتھراؤ کیا۔ اس دوران تقریباً آدھے گھنٹے تک شاہراہ پر ٹریفک معطل رہی۔ تاہم تھوڑی دیر کے بعد صورتحال معمول پر آ گئی۔