ماؤنواز متاثرہ ریاستوں کے وزرائے اعلی سے وزیر داخلہ کی میٹنگ

وزیر داخلہ امت شاہ نے ماؤنواز انتہا پسندوں سے متاثرہ ریاستوں کے وزرائے اعلی کے اجلاس کی صدارت کی ہے۔

اجلاس میں ملک کی حفاظت اور سلامتی امور پر تبادلہ خیال کیا جا رہا ہے۔

مرکزی وزیر داخلہ امت شاہ کے ساتھ مرکزی وزیرمملکت برائے امور داخلہ جے کشن ریڈی، داخلہ سکریٹری اجے کمار بھالا بھی موجود ہیں۔

علاوہ ازیں متعدد ریاستوں کے وزرائے اعلی جن میں اترپردیش کے یوگی آدتیہ ناتھ، جھارکھنڈ کے رگھوور داس، اڑیسہ کے نوین پٹنائک، بہار کے نتیش کمار، چھتیس گڑھ کے بھوپیش بگھیل اور مدھیہ پردیش کے کمل ناتھ بھی شامل ہیں۔

اجلاس کے دوران ماؤنوازوں سے متاثرہ ریاستوں اور ان کے خلاف اپنائی جارہی پالیسیوں پر بات چیت کی جارہی ہے۔

سلامتی اداروے بی ایس ایف، این ائی اے، ایس ایس بی اور سی آر پی ایف کے ڈائرکٹر جنرلز بھی اجلاس میں موجود ہیں۔

مزید تفصیلات کا انتظار ہے۔