امانت اللہ خان نے تمام الزامات کی تردید کی

دہلی وقف بورڈ کے چیئرمین امانت اللہ خان نے کانگریس کی جانب سے لگائے گئے تمام الزامات کی تردید کی ہے۔

عام آدمی پارٹی کے اوکھلا اسمبلی حلقہ سے رکن اور دہلی وقف بورڈ کے چیئرمین امانت اللہ خان پر دلی کانگریس کمیٹی نے دہلی وقف بورڈ میں 33 تقرریوں میں بدعنوانی اور اپنے رشتہ داروں کی تقرری کرنے کا الزام عائد کیا ہے۔

جب دہلی وقف بورڈ کے چیئرمین امانت اللہ خان سے اس متعلق بات کی گئی تو انہوں نے کیمرے کے سامنے کچھ بھی کہنے سے صاف انکار کر دیا تاہم انہوں نے فون پر تمام باتوں کا تفصیلی جواب دیا۔

انہوں نے کہا کہ کانگریس نہیں چاہتی وقف بورڈ اسکول کھولے اور جو کام وقف بورڈ میں ہو رہے ہیں اس میں رخنہ ڈالنے کی کوشش کی جارہی ہے۔

قابل ذکر ہے کہ امانت اللہ خان نے اپنے اوپر لگے تمام الزامات سے دلبرداشتہ ہوکر ایک میٹنگ میں کہا تھا کہ وہ اسمبلی انتخابات میں حصہ نہیں لیں گے۔