دارالحکومت دہلی کے فتح پور بیری میں رکن پارلیمان پر بیوی کو نظر بند کرنے کا الزام ہے۔
رنجیت شرما کا الزام ہے کہ ان کی والدہ کو ان سے ملنے نہیں دیا جارہا ہے۔ اپنی والدہ سے ملنے کے لیے وہ فتح پور بیری پولیس اسٹیشن کے علاقے میں واقع ڈیرہ منڈی روڈ پر واقع گرین نیل فارم ہاؤس پہنچے، وہاں موجود سکیورٹی اہلکاروں نے انہیں ملنے نہیں دیا۔
فی الحال، پولیس نے رنجیت کی شکایت درج کرکے کارروائی شروع کر دی ہے۔
رنجیت شرما نے کہا ہے کہ ان کے اہل خانہ ممبئی میں قیام پذیر ہیں اور ان کی والدہ ستولا دیوی 80 برس کی ہیں۔
رنجیت نے کہا کے ان کے ایک شناسا نے بتایا کہ ان کی والدہ کو نظر بند کر کے رکھا گیا ہے۔
وہ اتوار کے روز ممبئی سےدہلی پہنچے اور انہوں نے فارم ہاؤس جاکر والدہ سے ملنے کی کوشش کی تو انہیں ملنے نہیں دیا گیا۔ جس کے بعد 100 نمبر ڈائل کر کے پولیس کو اطلاع دی۔
انہوں نے کہا کہ وہ گذشتہ کئی برسوں سے والدہ سے نہیں ملےہیں۔ فی الحال، انہیں یہ بھی معلوم نہیں ہے کہ اس وقت اس کی والدہ کہاں اور کس حالت میں ہیں؟
رنجیت کا کہنا ہے کہ ان کے والد ڈاکٹر مہیندر پرساد کی طبیعت ٹھیک نہیں ہے۔ اسی وجہ سے ان کے ساتھ رہنے والے عملہ اپنے عہدے کا غلط استعمال کر رہے ہیں۔
اسی دوران ، ڈپٹی ڈسٹرکٹ پولیس کمشنر، وجئے کمار سے اس سلسلے میں بات کرنے کی کوشش کی گئی لیکن ان سے بات نہیں ہوسکی۔
