دہلی کے چاندنی چوک سے رکن اسمبلی اور عام آدمی پارٹی کی رہنما الکا لانبانے دہلی کے وزیراعلی اروند کجریوال پر الزام عائد کرتے ہوئے کہا کہ وزیراعلی کی موجودگی میں پارٹی کے اندر خواتین کے ساتھ جس طرح کا سلوک کیا جا رہا ہے وہ کافی مایوس کن ہے۔
انہوں نے کہا کہ کسی بھی خواتین کو پارٹی میں وہ عزت نہیں مل رہی ہے جو پہلے ملتی تھی۔
الکا لانبا کے مطابق ان کو کسی بھی سرکاری میٹنگ یا پروگرام میں مدعو نہیں کیا جاتا ہے۔
انہوں نے کہا کہ علاقے میں سی سی سی ٹی وی کیمرے لگانے کا کام جاری تھا جس کو دہلی حکومت نے رکوا دیا ہے۔
الکا لانبا نے جب متعلقہ محکمہ سے فون کر کے وجوہات جاننےکی کوشش کی تو محکمہ نے بتایا کہ دہلی حکومت نے چاندنی چوک کے علاقے کو منظوری نہیں دی ہے، جس کی وجہ سے یہاں سی سی ٹی وی کیمرے لگانے کا کام روک دیا گیا ہے۔
انہوں نے دہلی حکومت کو چیلینج کرتے ہوئے کہا کہ اگر آئندہ دس دنوں میں ان کے علاقے میں سی سی ٹی وی کیمرہ نہیں لگا تو وہ وزیراعلی کے گھر کے باہر دھرنے پر بیٹھ جائیں گی اسکے علاوہ پارٹی سے استعفی بھی دے دیں گی۔