اضافی چارج کے بغیر ایئر انڈیا نے سفر کی تاریخ تبدیل کرنے کا دیا اختیار

سرکاری ہوا بازی خدمات کمپنی ایئر انڈیا نے لاک ڈاؤن کے دوران منسوخ پروازوں کے مسافروں کو کسی اضافی چارج کے بغیر سفر کی تاریخ تبدیل کرنے کا اختیار دیا ہے۔

ایئر لائن نے بتایا کہ 23 مارچ سے 31 مئی کے درمیان جن مسافروں کی پروازیں منسوخ ہوئیں وہ اس کا فائدہ اٹھا سکتے ہیں۔ وہ 25 مئی سے 24 اگست کے درمیان سفر کے لئے ٹکٹ بک کروا سکتے ہیں۔

اس کے لیے انہیں اضافی چارج ادا نہیں کرنا ہو گا۔ اگر کوئی مسافر تاریخ کے ساتھ ہی اپنا راستہ بھی تبدیل کرنا چاہتا ہے تو اسے راستہ تبدیل کرنے کی فیس بھی نہیں دینی گی، تاہم حالیہ راستے پر کرایہ زیادہ ہونے پر کرایہ کا فرق ادا کرنا ہوگا۔ مسافر ایئر انڈیا کے کال سینٹر، آفس یا اتھارائزڈ ٹریول ایجنٹوں کے ذریعے اپنے ٹکٹ میں یہ تبدیلی کروا سکتے ہیں۔