وزیراعظم مودی ہجومی تشدد کے خلاف قانون کب بنائیں گے؟

سپریم کورٹ کے سینئر وکیل شاہد علی نے وزیراعظم نریندر مودی کے نام ایک عرضی روانہ کر کے انہیں عدالت عظمی کے ایک حکم کی یاد دہانی کرائی جس میں عدالت نے ہجومی تشدد کے انسداد کے لیے حکومت کو مضبوط قانون بنانے کی ہدایت کی تھی۔

سپریم کورٹ کے سینئر وکیل شاہد علی نے وزیراعظم نریندررمودی سمیت حزب اختلاف کے لیڈروں کے نام ایک قانونی عرضی روانہ کر کے انہیں عدالت عظمی کا وہ حکم یاد دلایا جس میں عدالت نے ہجومی تشدد کو روکنے کے لئے حکومت کو قانون بنانے کی ہدایت کی تھی ۔

ای ٹی وی بھارت سے خصوصی گفتگو کرتے ہوئے شاہد علی نے کہا کہ حکومت کو طلاق پر قانون بنانا یاد ہے لیکن ہجومی تشدد پر خاموشی معنی خیز ہے۔

وکیل شاہد علی نے ہجومی تشدد کے انسداد کے لئے قانون بنانے پر زور دیتے ہوئے کہا کہ حکومت نے جس طرح عدالت کے حکم کو نظر انداز کیا ہے وہ عدالت کی اہانت ہے، جس سے حکومت باز آجائے ۔

انہوں نے مزید کہا کہ اگر حکومت قانون نہیں بناتی ہے تو وہ ملک بھر میں مہم چلائیں گے۔