مجرمانہ سرگرمیوں ملوث افراد کے خلاف کارروائی

نوئیڈا کے ڈی ایم، بی این سنگھ اور سینیئر پولیس سپرنٹنڈنٹ کرشن ویبھو نے کہا کہ 'ضلع گوتم بدھ نگر میں مجرمانہ سرگرمیوں میں ملوث افراد کے خلاف کارروائی جاری رہے گی۔'

اطلاع کے مطابق ضلع کے دو غنڈوں پر انسداد غنڈہ گردی ایکٹ لگایا گیا ہے جب کہ ایک ملزم پر نیشنل سکیورٹی ایکٹ کو تین ماہ کے لیے بڑھا دیا گیا ہے۔

35 برس کا اجو ولد رگھو راج جو بلند شہر کا رہنے والا ہے،اس نے مالی فائدے کے لیے جرائم کی کئی واردات انجام دی ہے اور اس پر 8جولائی 2019 کو این ایس اے لگایا گیا تھا۔

جبکہ بنٹی کمار ولد بابو لال اور عرفان ولد اکرام الدین سیکٹر 49 گوتم بدھ نگر پر انسداد غنڈہ گردی ایکٹ لگایا گیا ہے۔

ڈی ایم اور ایس پی نے اس عزم کا اظہار کرتے ہوئے کہا کہ مجرمانہ افراد اور مجرمانہ سرگرمیوں میں ملوث مافیاؤں کے خلاف مستقبل میں بھی کارروائی جاری رہے گی۔