کرائم برانچ سے وابستہ ذرائع نے بتایا کہ کرائم برانچ کو عبدالعلیم کے راجدھانی اسکول کے مالک فیصل فاروقی سے گھنٹوں گفتگو کرنے کا ثبوت ملا ہے۔ جس کے بعد کرائم برانچ نے بھی علیم سے پوچھ گچھ کی ہے۔
ذرائع کا کہنا ہے کہ جلد ہی اس معاملے میں عبد العلیم کو ملزم بنا کر کرائم برانچ ان کو گرفتار کرے گی۔
عام آدمی پارٹی کے معطل کارپوریشن کونسلر طاہر حسین اور راجدھانی اسکول کے مالک فیصل فاروقی کو کرائم برانچ نے فسادات کی سازش کرنے کے الزام میں پہلے ہی گرفتار کیا ہے اور دونوں ملزمان فی الحال تہاڑ جیل میں بند ہیں۔
تفتیش کے دوران کرائم برانچ کو اطلاع ملی کہ مولانا سعد کی رقم فیصل فاروقی کے تمام اسکولوں میں لگائی گئی ہے اور یہ ساری رقم علیم کے توسط سے فیصل کے اسکولوں میں لگائی گئی ہے۔ مولانا سعد نے فیصل کے اثاثوں میں بھی علیم کے ذریعہ سرمایہ کاری کی ہے۔ اس پورے معاملے کی چھان بین کے دوران کرائم برانچ عبد العلیم کے بارے میں معلومات حاصل کرے گی۔