عام آدمی پارٹی کی جانب سے آج اردو میڈیا سے خصوصی خطاب کا اہتمام کیا گیا۔
اس موقع پر انہوں نے کہا کہ اگر ووٹوں کی تقسیم ہوتی ہے تو بی جے پی کو فائدہ ہوگا۔اگر عام آدمی پارٹی اور کانگریس کے درمیان اتحاد ہوجاتا تو دہلی کی سیاست سے بی جے پی کا نام و نشان مٹ جاتا۔
عام آدمی پارٹی کے کنوینر گوپال رائے نے کہا کہ عام آدمی پارٹی مسلم مخالف نہیں ہے بلکہ ہم چاہتے ہیں مسلم اس جماعت کے ساتھ کندھے سے کندھا ملا کر کام کریں۔
انہوں نے مزید کہا کہ ابھی تو شروعات ہے اگر بہتر امیدوار ہمیں ملتے ہیں تو ہم ضرور انہیں لوک سبھا اور راجیہ سبھا میں بھیجیں گے لیکن اس کے لئے مسلمانوں کو تھوڑا انتظار کرنا ہوگا۔
