عام آدمی پارٹی نے تری نگر سے جتیندر تومر کا ٹکٹ کاٹا

جعلی ڈگری کا معاملہ سامنے آنے کے بعد عام آدمی پارٹی نے تری نگر اسمبلی حلقہ سے ان کا ٹکٹ کاٹ دیا ہے۔ اب تومر کی جگہ ان کی اہلیہ پریتی تومر الیکشن لڑیں گی۔

بی جے پی کی مخالفت کے بعد عام آدمی پارٹی نے جعلی ڈگری تنازعہ میں پھنسے جتیندر تومر کا ٹکٹ کاٹ دیا ہے۔ پارٹی نے تری نگر اسمبلی سیٹ سے جتیندر تومر کی جگہ ان کی اہلیہ پریتی تومر کو تری نگر سے حلقے سے امیدوار بنایا ہے۔

پریتی تومر نے پرچہ نامزدگی داخل کیا

واضح رہے کہ پریتی تومر نے اپنی نامزدگی داخل کی ہے۔ غور طلب ہے کہ نامزدگی کا آج آخری دن ہے۔ اس سے قبل پیر کو بھی بی جے پی نے جیتندر تومر کو امیدوار بنانے کے بارے میں الیکشن کمیشن سے شکایت کی تھی۔