درحقیقت سپریم کورٹ نے کورونا وائرس کے پیش نظر قیدیوں کو پیرول پر رہا کرنے کا حکم دیا تھا لیکن ایک قیدی نے جیل سے باہر آتے ہی اپنے دوست سمیر کے ساتھ مل کر گریٹر نوئیڈا کے ریلوے روڈ پر واقع سرکاری شراب کی دکان کو نشانہ بنایا۔
دونوں چوروں نے دادری کے ریلوے روڈ پر واقع شراب کی دکان کا شٹر توڑ کر چوری کی واردات کو انجام دی اور وہاں سے فرار ہوگئے۔
پولیس کا کہنا ہے کہ وہ مذکورہ قیدی شراب نوشی کا عادی ہے، مخبر کی اطلاع پر پولیس نے دونوں کو سیارام چوک سے گرفتار کیا۔
ملزمین کے قبضہ سے مس انڈیا برانڈ شراب کی تین پیٹیاں بند اور ایککھلا کارٹون برآمد ہوا ہے۔ اس کے علاوہ ان کے پاس سے چوری کی گئی 1435 روپے کی نقدی بھی برآمد ہوئی ہے۔
واضح رہے کہ ملزم کو 30 مارچ کو ضلع جیل گوتم بدھ نگر سے پیرول پر رہا کیا گیا تھا۔ پولیس نے دونوں ملزمان کو گرفتار کرکے اب دوبارہ جیل بھیج دیا ہے۔